【飲食篇2】旺角海鮮菜館好味好正

今日嚟到旺角一間海鮮菜館，見到門面裝修得幾靚，好有氣派同埋高雅，聽聞米之蓮二星嘅大廚過咗嚟幫手，所以專程過嚟試吓。

一坐低先上六款「旺角滋味六寶碟」嘅小食頭盤， 分別有白灼韭菜花， 深海魷魚， 豬脷， 豬肚，粉腸同埋丹山海蜇等等，全部都配上佢哋特製嘅麻油， 同埋椒絲豉油， 每一碟小食都好好食，特別係水魷魚好爽口。

「傳統杏汁燉豬肺湯」入面有好多一大舊嘅豬肺，加埋娃娃菜，呢碗燉湯非常之濃郁入味，杏仁味配合豬肺味道，估唔到都係好鮮甜、好好飲嘅湯，好想再飲多幾碗。

「黑胡椒波士頓龍蝦」份量十足，賣相已經好吸引，大大隻蟹鉗，好大舊嘅龍蝦肉， 加埋佢特製嘅醬汁， 每一件龍蝦肉都好鮮甜、爽口、入味，而且有少少辣辣地，非常惹味，好正。

「招牌避風塘炒辣蟹」大大隻既肉蟹放喺我前面，廚師炒得非常靚，雖然香料好香，但係仍然掩蓋不到辣蟹嘅鮮味， 蟹蓋還有很多膏，蟹鉗啖啖肉， 蟹腳亦都很鮮甜，基本上隻蟹好多，而且好新鮮。除此之外，配料嘅蔥同埋蒜蓉炸得非常脆卜卜可口，好似食緊薯片咁，真係惹味可口。

「避風塘炒大蜆」每一隻蜆肉都有我手指公咁大隻，一食落去就食到廚師炒嗰種鑊氣，蜆肉相當鮮甜爽口，再加埋特製嘅避風塘辣汁，是一碟很惹味的炒蜆，必食。

「新鮮菠蘿咕嚕肉」餐廳用了半肥瘦嘅排骨，每一件排骨都啖啖肉，好有口感，而且非常新鮮。再加埋唔同嘅配料包括洋蔥，青椒同埋菠蘿， 是一碟很出色的咕嚕肉，好味好正。

「旺角風沙雞」雞肉相當嫩滑，望落去已經見到好足料，真係有半隻風沙雞，見到好大隻雞髀，炸到好香脆，考落去嘅時候，嫩滑的雞肉滲透雞汁，再加埋佢脆卜卜嘅雞皮， 真係冇得頂。

食咗咁多海鮮，就叫咗個「白松露油野菌炆伊麵」再填飽個肚，伊麵嘅質感煙韌，白松露未到滲入伊麵，再加埋佢大大隻蘑菇同埋松露醬，食落口好濃郁，伊面唔會太油膩。

甜品就係「綠豆沙」，有熱有凍， 綠豆味道很清新，又唔算太甜，底下仲有好多綠豆蓉，食落肚爽爽而且下火清熱，正。

下次會再約多啲朋友去食一齊食餐勁，正！


旺角海鮮菜館

地址 

旺角洗衣街153號地舖

G/F, 153 Sai Yee Street, Mong Kok

港鐵旺角站 B3 出口, 步行約5分鐘

電話號碼

23952883

=============================================‧

◆歡迎合作-試用產品/邀稿/出席活動◆

Cktata@gmail.com

▷Facebook Page：

https://www.facebook.com/522520334

▷Instagram：

https://instagram.com/Tachoi